Бұл туралы Росстандарт ақпаратына сілтеме жасап Motor.ru хабарлады. Тулада жасалған Haval F7 және Haval F7x кроссовері «Нижегородец» арнайы техника зауытында қайта жабдықталады. Мұндай машинаны Қорғаныс министрлігі, Бас прокуратура және Тергеу комитеті мінеді.
Машина тапсырыс берушінің талабына сай жабдықталады. Тізімде қызмет түріне байланысты бояу, арнайы сигнал, бейнетіркеуіш, спутникті навигация жүйесі және т. б. бар.
Арнайы қызметке арналған Haval F7 мен F7x-тің техникалық жағы әдеттегі модельге ұқсас, алдыңғы немесе толық жетекті, 7 сатылы роботпен жұптасатын 1.5 және 2.0 литрлік бензинді турбомотормен жүреді. Қазақстанда аталған модельдің 1.5 литрлік мотор қойылған моножетекті нұсқасының бағасы 13.5 млн теңгеден басталады.
Биыл көктемде Алматы полициясы да қайта жабдықталған жаңа қызметтік көлікке ие болды, ол — алдыңғы жағына мықты темір қалқан орнатылған RS жиынтығындағы Chevrolet Equinox. Темір қалқан стандартқа сай келмесе де, полицейлер оны тағып жүр.
Комментариев: 0