2022 жылы көктемде Ресей-Украина соғысы басталғанда Renault өзге шетел автоөндірушілері сияқты Ресейдегі жұмысын тоқтатып, «бір рубльдік келісім» бойынша АВТОВАЗ-дағы 67.7 % акциясын мемлекет меншігіне, «Рено Россия» зауытын 100 % Мәскеу билігіне берген.
Француз концернінде 6 жыл ішінде акциясын қайта сатып алу құқығы болады. Renault басшылары мүмкіндік туа қалса, Ресейдегі бизнесін қайта қолға алуға қарсы емес, бірақ бұл өте қиын деп жазды «Интерфакс».
Ресейдің бұған жауабы дайын. АВТОВАЗ басшысы Максим Соколов француздар капиталын бір шартпен ғана қайтара алатынын айтты. Ол үшін Renault АВТОВАЗ-дың 2022 жылдан бері жұмсаған барлық инвестиция шығынын толық өтеуі керек. Бұл туралы Drom.ru хабарлады. Топ-менеджер импортты алмастыру және жаңа жобалар үшін 112.5 млрд рубль (бір млрд еуродан көп) қаржы жұмсалғанын атап өтті.
Комментариев: 0