Сонау 1984 жылы дүниеге келген Renault Espace Еуропадағы минивэндер класына негіз болды. Отыз жыл бойы тек салоны өзгерген автомобильдің бесінші түрленімі кроссоверге айналған-ды. Қазір де сол қалпында конвейерден түсіп жатыр.
Осы жолы Renault тәжірибе жасауға бел буып, «өмірге арналған автомобильдер» философиясын жаңғыртпақ ниетте Renault E-Space Concept электромобилін ұсынып отыр. Марка көлікті қазанның ортасында өтетін Париж автосалонында көрсетеді, әзірше тек бір ғана суретін жариялады.
Көп бөлігі әйнектелген шағын (ұзындығы 4.7 метр) шанақты, жасырын есік тұтқалары бар, айна орнына камерамен жабдықталған көліктің стилистикасын ықшам деуге болады. Алдыңғы оптикасы U пішінді пиксельді саты түрінде жасалған, ортасында ауада қалқып тұрғандай көрінетін Renault логотипі тұр. Мамандар машинаға 23 дюймдік ірі дөңгелек дискісін орнатыпты.
Renault бұл концептінің жалпы жолда жүретін нұсқасын жасайтыны анық, себебі 2023 жылы шыға бастаған алтыншы буын ресурсын сарқыды. Бірақ компания минивэн өндірісіне ден қоятын сияқты.
Комментариев: 0