Renault Duster-ге негізделген Nissan Tekton

Nissan топтамасына Renault Duster платформасына негізделген жаңа өнімін қосты. Бұған дейін мұндай көлік Terrano деп аталса, енді ол Tekton деген атау алды. Компания бұл сөздің түбірі грек тілінен шыққан және «шебер» немесе «құрылысшы» деген мағынаны білдіреді деді.

1 / 11

• 
• 
• 
• 
• 
• 
• 
• 
• 
• 
• 

1 / 11

4.35 метрлік кроссовердің алдыңғы бөлігі өзгерді. Оның фарасы қазіргі Patrol-ды еске салады. Артындағы жарықдиодты шам, жүксалғыш қақпағындағы қосымша қаптама және жаңа бамперімен ерекшеленеді.

Интерьер архитектурасы Duster-дегідей. Дегенмен 10 дюймдік цифрлық аспаптар панелі мен мультимедианың интерфейсі басқаша. Салон материалдарының бірнеше түрі бар.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Автомобиль тек үш цилиндрлі турбомотормен жүреді. Базалық 1 литрлік агрегат 101 ат күшін береді және тек 6 сатылы механикалық қораппен жұптаса жұмыс істейді. 1.3 литрлік қозғалтқыштың қуаты 163 ат күшіне тең. Ол 6 сатылы механикалық немесе 6 диапазонды DCT роботымен жабдықталады. Tekton толық жетекті емес.

Машина Үндістанда жасалады. Бұл елдегі бастапқы бағасы — 1 049 000 рупия (5.15 млн теңге). Ең қымбат Tekna+ түрленімі 1 859 000 рупия (9.22 млн теңге) тұрады.

Tekton тек Үндістан нарығына арналмаған. Nissan бұл модельді жаһандық өнім ретінде ұсынып, оны 50-ден астам елде сатпақшы. Әзірге елдердің тізімі белгісіз. Сондықтан жаңа өнім Қазақстанға да келуі мүмкін. Terrano елімізде ресми түрде саудаланған.