Президент биыл 9 шілдеде Қазақстан мен Өзбекстан арасындағы мемлекеттік шекарадағы өткізу пункттері туралы келісімге енген өзгерісті бекіту туралы заңға қол қойды. Құжатта «Сырдария — Мәлік» және «Целинный — Оқ Олтин» өткізу бекеттері екіжақтыдан халықаралық (көпжақты) болып өзгерді деп жазылған. Олар енді тек күндіз емес, тәулік бойы жұмыс істейді.
Хаттама бойынша бекеттер жеңіл және жүк көлігін өткізеді. «Целинный — Оқ Олтин» арқылы жеңіл машиналар, бос, ірі және (немесе) ауыр жүк көліктері мен тауар тасымалдауға болады. «Сырдария — Мәлік» тек жеңіл автомобиль пен бос жүк көліктеріне арналған. Бұл бекетте коммерциялық жүк тасымалымен айналысуға болмайды.
Комментариев: 0