Кейінгі жылдары Volkswagen Group-тың басты нарықтардағы саудасы жақсы емес. Соған орай концерн шығынын азайтуға күш салып жатыр. Мысалы, қызметкер санын қысқартып, жұмыс істеп тұрған зауыттарын жапты және бәсекеге қабілетін арттыру үшін креатив тәсілдер іздей бастады.
Қытайда неміс автомобильдеріне сұраныс азайғандықтан, Volkswagen Group жергілікті өндірушілермен бірге кәсіпорындар ашып, осы елге бейімделген және Қытай технологиясы негізінде жасалған модельдер жасауға кірісті. Мысалы, ID. Unyx сериялық Volkswagen кроссоверлерін ұсынды, ал Audi жеке AUDI брендін құрды, қазір топтамасында екі электрокар бар.
Енді мұндай ынтымақтастық жаңа деңгейге шығуы мүмкін. Autocar басылымы VW Group бас директоры Оливер Блюмеге сілтеме жасап хабарлағандай, жақында концерннің әлем нарығына арналған көліктері қытайлық платформаға негізделуі мүмкін.
Топ-менеджердің сөзінен қазір жолда жүрген кей модель шетел асуы мүмкін екенін аңғаруға болады. Мысалы, бұл қатарда ID. Unyx 09 седаны мен Бейжің автосалонында тұсаукесері өткен ID.Aura T6 прототипі бар.
Комментариев: 0