Жаңарған Kia XCeed-тің алғашқы фотосы

Kia өкілдері XCeed кросс-хетчінің екінші рестайлингі жақында нарыққа шығатынын хабарлады. Жаңа өнім жайлы толық ақпарат кейін белгілі болады, қазірше компания бірнеше фотосуретін жариялады.

Суреттен XCeed-тің сырт пішіні қазіргі фирмалық стильге сай жасалғаны байқалады. Алдыңғы бөлігінде тік орналасқан шамдар блогы, артында жарықдиодты жолақпен біріккен қырлы шам көз тартады. Автомобильдің нақты өлшемі белгісіз, бірақ жаңа бампердің арқасында хетч сәл ұзарғаны анық. Қазіргі XCeed-тің ұзындығы — 4395 мм, дөңгелек базасы — 2650 мм.

Салонда да өзгеріс көп. Дизайнерлер алдыңғы панель архитектурасын толық өзгерткен, ондағы бөлек аспаптар панелі мен мультимедиа планшетінің орнында 12.3 дюймдік екі экраны бар табло тұр. Климат-бақылау жүйесін басқаратын батырманың орнын сенсор басқан. Бірақ физикалық батырма мүлде жоғалған жоқ, жылыту және желдету шайбасы трансмиссия селекторының екі жағында орналасқан. Сондай-ақ модель жаңа фирмалық рөл және үздік жабдықтар тізімімен ерекшеленеді.

Автомобильдің күштік құрылымы жайлы қазірше ақпарат жоқ. Компания топтамада бензинді агрегаттан бөлек жұмсақ гибрид болатынын хабарлады. Бірақ рестайлингтен кейін XCeed-тің қазіргі мотор гаммасы көп өзгермеуі мүмкін. Яғни машина 115–180 ат күшіне ие 1 және 1.6 литрлік турбомотормен жүреді.

Жаңарған XCeed марканың Словакиядағы зауытында жасалады. Автомобиль конвейерге 29 мамырда тұрады, ал Еуропа нарығына биыл жыл аяғында шығады. Ол біздің елге келе ме, жоқ па, белгісіз. Модельдің бұған дейінгі нұсқасы елімізде сатылып жатыр.