Отыз жыл бұрын шыққан Toyota 4Runner аукционға қатысады

Мамырдың басында АҚШ-тағы Mecum аукцион үйі бәссаудада көп кездесетін Ferrari, Porsche, Maserati немесе Bugatti өнімдеріне ұқсамайтын ерекше автомобильді ұсынады. Ол — 1996 жылғы стандарт Toyota 4Runner. Машина одометр көрсеткішімен ерекшеленеді.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

30 жыл бұрын шыққан үшінші буын өкілі небәрі 6951 миль (11.2 мың шақырым) жүрген. Тіпті түпнұсқа Dunlop Grandtrek шинасын сақтап қалыпты.

1 / 9

• 
• 
• 
• 
• 
• 
• 
• 
• 

1 / 9

Сатушылар машина неге мұнша аз жүргенін жазбапты. Автомобильді иесі марканың Кантрисайд қаласындағы (Иллинойс штаты) автосалонынан алғаны ғана белгілі. 4Runner-дің жағдайы зауыттан жаңа шыққандай екен, фотосуреттен шынымен жақсы сақталғаны байқалады.

SR5 комплектациясындағы жол талғамайтын көлік 183 ат күшін беретін 3.4 литрлік V6-мен жүреді, қозғалтқыш 4 сатылы автомат қорап және толық жетекті жүйемен жұмыс істейді.

Сарапшылар бұл Toyota 35–45 мың долларға өтуі мүмкін деп болжап отыр. Салыстыру үшін айтсақ, қазір Америкада жаңа 4Runner-дің бағасы 42 мың доллардан басталады.