Қытай тұрғындары еуропалық премиумды артық көре ме?

Интернетте аса қымбат сегменттегі көлік саудасы жайлы қызық статистика тарады. 2025 жылдың қорытынды дерегін CarNewsChina порталы жариялады.

Одан машина алуға 1 млн юаньнан артық ақша жұмсауға дайын қытайлар әлі еуропалық марка өнімдерін таңдайтыны байқалады, рейтингтегі топ-10 тізімде бірде-бір жергілікті бренд жоқ. Мұнда 17 194-і сатылған Porsche Cayenne көш бастап тұр. Екінші жүлде Range Rover-ге (16 956) бұйырды. Ал үздік үштікті түйіндеп тұрған Land Rover Defender-дің 15 831-і иесін тапқан.

2025 жылы бағасы 1 млн юаньнан асатын көліктер сегментінде ең көп өткен 10 модель

1 / 9

• 
• 
• 
• 
• 
• 
• 
• 
• 

Porsche Cayenne

Porsche Cayenne

Porsche Cayenne

Range Rover

Range Rover

Range Rover

Land Rover Defender 110

Land Rover Defender 110

Land Rover Defender 110

1 / 9

Рейтингке Қытайда жасалған жалғыз автомобиль енді. BYD концерні шығарған Yangwang U8-дің стандарт және ұзын нұсқасы 15 және 16-сатыларға орналасты. Олардың 1112 және 1538 данасы өтіпті.

1 / 5

• 
• 
• 
• 
• 

Yangwang U8L

Yangwang U8L

Yangwang U8L

Yangwang U8L

1 / 5

Бұл жағдайдың басты себебі — аспан асты еліндегі автоөндірушілер аса қымбат модельдерді көп шығармайды. Сегменттен Yangwang U8-ден бөлек Yangwang U9 электрлі суперкары, Hongqi Guoya және Guoli седаны орын алған. Соңғысының құны 1 млн долларға жетеді. Бұл қатарға 2025 жылы жарық көрген Maextro S800-дің үздік комплектациясын да қосқан жөн.

1 / 5

• 
• 
• 
• 
• 

Maextro S800-дің ұзындығы — 5.5 метр, дөңгелек базасы — 3.37 метр. Седан электрлі не гибрид күштік құрылыммен жүреді, пневмоаспалы толық басқарылатын шассиімен және үздік жабдықтарымен ерекшеленеді.

1 / 5

Нарықта компаниялар еуропалық премиум өнімдерге тікелей бәсекелес ретінде ұсынатын бірнеше модель бар, бірақ бағасы біршама төмен. Мысал ретінде Yangwang U7, Nio ET9 бен S800-ді атауға болады. Соңғысының ең арзаны 700 мың юань (50.5 млн теңге) тұрады. Былтыр 4376 S800 саудаланды. Бұл көрсеткіш бойынша ол Porsche Panamera, 7-сериялы BMW 7, Mercedes-Benz S-Class және Mercedes-Maybach S-Class модельдерінің жалпы саудасына сәл ғана жетпей қалды.