Қырғызстандағы БАҚ жергілікті билік Қазақстанмен арадағы шекарадан «Дордой» базарына дейін, әрі қарай Бішкек арқылы Қара-Балта мен Чалдоварға баратын жолды ақылы режимге көшіруге дайындалып жатқанын хабарлады.
«Теміржол мен Үлкен Шу каналын бойлай жол салу жоспарланып отыр. Бұл трасса негізгі жолдардағы жүктемені азайтуға сеп болады. Мемлекеттік-жеке серіктестік аясында жүретін құрылыстың жалпы құны шамамен 300-500 млн долларды құрайды», — деді ҚР көлік және жолдар министрінің орынбасары Бақыт Бердалиев.
Оның айтуынша жаңа жол алты жолақты болады. Жүргізушілерден қанша ақша сұралатыны белгісіз. Ал Ыстықкөлге баратын жолмен жұрт әзірше тегін жүреді.
Қаңтарда министрлер кабинеті жалпы қолданыстағы жолдарда алым жинау мөлшері мен тәртібі туралы ереже бекіткен. Құжат бойынша Қырғызстан мен басқа елдерде тіркелген жүк көлігі мен автобус иелері машинаның салмағына байланысты мынадай мөлшерде ақша төлеуге тиіс.
- автобустар — шақырымына 0.1-ден 0.2 сомға дейін (0.55-1.1 теңге);
- жүк көліктері — шақырымына 1.2-ден 8.3 сомға дейін (6.6–45.63 теңге).
Келер жылы 1 қаңтардан бастап жүргізушілер алым сомасының 30 %-ын, ал 2024 жылы толық көлемде төлеуге міндеттеледі.Осылайша қырғыз билігі ел қазынасын жыл сайын 2 млрд сомға (шамамен 11 млрд теңге) толтыруға ниетті.
Комментариев: 0