Tengrinews.kz порталы хабарлағандай, бөтен көлікті айдап қашпақ болған адамды қуып жетіп, құрықтамақ болған полицияның үш қызметкері зардап шеккен. Бұл оқиға 24 наурызда болыпты. Кешкі ондар шамасында полицияға Infiniti FX35 темір тұлпарының Нұр-Сұлтан қаласының көшелерімен жол ережесін өрескел бұзып келе жатқандығы жайлы хабар түседі. Тәртіп сақшылары көлікті тоқтату жөніндегі бұйрыққа құлақ аспаған жүргізушінің артынан қуады.
Қорғалжын тас жолы мен Аягөз көшесінің қиылысқан тұсында полиция Infiniti-ді мәжбүрлі түрде тоқтатуға шешім қабылдап, нәтижесінде кроссовер Peugeot 301 қызметтік көлігіне соғылады. Соққы салдарынан полицияның үш қызметкері зардап шекті. Олар ауруханаға жеткізілген. Infiniti-дің рөліндегі азамат дәрігерлер қарағаннан кейін Сарыарқа аудандық полиция бөліміне жеткізілді.
Кейін белгілі болғандай, жол талғамайтын көліктің рөлінде темір тұлпарды қызмет көрсету орталығынан ұрлап кеткен ТЖО-ның жұмысшысы отырыпты. Медициналық куәландыру актісіне сай, ер адам мас болған екен.
Комментариев: 0