Индустрия және инфрақұрылымдық даму министрлігі қараша айында келісімге сай міндеттерін орындамаған «Азия Авто» акционерлік қоғамы мемлекетке шығын келтірді деп 173 979 726 000 теңге өндіру жөнінде шағымданған. Министрлік кәсіпорынның сегіз жыл бойы төлемеген салығы осындай сомаға тең деп санайды.
«Азия Авто» басшыларының ойынша, бұл негізсіз айып, әрі олар істің Өскеменде қаралғанын құп көреді. Компания келісімшартқа негізделген салық төлемеу құқығын ешқашан пайдаланбағанына сенімді. Кәсіпорын ЕЭО кедендік заңнамасында қарастырылған механизмдерді қолданыпты. Ал «шығынды» есептеу мерзімі талап қою мерзімінің шегінен шыққан, оның үстіне министрлік заңды талапкер емес. Себебі кедендік мағлұмдау мен салық жинау мәселесі басқа органдардың құзырында.
Нұр-Сұлтан қаласындағы мамандандырылған экономикалық сот 8 желтоқсан күні істі Өскеменге ауыстыру туралы талапты орындаудан бас тартты, судья М.М. Сембин іске «ҚР Қаржы министрлігінің Мемлекеттік кірістер комитетін» мемлекеттік мекемесін шағымданушы тарап жағындағы өзіндік талабы жоқ үшінші тұлға ретінде қатысушы етіп тағайындады.
Келесі сот отырысы жуырда өтеді, «Азия Авто» істің Өскеменде қаралуын талап етіп, жоғарғы сот инстанциясына шағымданбақ.
Комментариев: 0