Павлодар облысындағы Ленин — Ақсу — Көктөбе — Үлкен Ақжар — Курчатов қаласы тас жолы 3-техникалық санатқа жатады. Жөндеу жұмыстары аясында қалааралық трассаның 30 шақырымында жол төсемі толық қалпына келтірілді. Оның үстіне жұмыс мерзімінен ерте аяқталды. Дегенмен әдеттегідей «жол сапалы жасалды ма» деген сұрақ туындайды. ҚР ИИДМ баспасөз қызметі хабарлағандай, жол жабыны мықты болу үшін заманауи материалдар қолданылды. Жол белгілері мен таңбалары, сигнал бағаналары орнатылды. Жөнделген жолға облыс тұрғындары мен жүргізушілердің қандай баға беретінін күтеміз.
Сондай-ақ Майское ауылының маңында әжетханасы бар бес автопавильон мен қысқа мерзімді демалысқа арналған алаңдар салынды.
Комментариев: 0