ҚР Көлік министрлігінің Автомобиль жолдары комитеті Қарабұтақ — Комсомольское — Денисовка — Рудный — Қостанай тас жолын ақылы ету жөніндегі бұйрық жобасын дайындады. Құжатқа сай жүргізушілер Қостанайдан Денисовкаға дейінгі 151 км жолмен жүргені үшін ақы төлейді:
- жеңіл автомобиль — 130 теңге;
- орын саны 16-дан аспайтын автобус пен жүк көтергіштігі 2.5 тоннаға дейінгі жүк көлігі — 1160 теңге;
- орын саны 32-ден аспайтын автобус пен жүк көтергіштігі 5.5 тоннаға дейінгі жүк көлігі — 2350 теңге;
- орын саны 32-ден артық автобус пен жүк көтергіштігі 10 тоннаға дейінгі жүк көлігі — 3520 теңге;
- жүк көтергіштігі 10–15 тонна болатын жүк көлігі — 4700 теңге;
- 15 тоннадан көп жүк көтеретін жүк көлігі, тіркемесі бар ершікті тартқыш — 5870 теңге.
Жолға іргелес жатқан елді мекен тұрғындары 7384–36920 теңге төлеп ай сайынғы, 3692–369200 теңгеге жылдық абонемент ала алады.
Комментариев: 0