Брифингте ҚР ІІМ Криминалды полиция департаменті басшысының орынбасары Қанат Нұрмағамбетов ұрылардың көзі жиі түсетін маркалар Mercedes-Benz, Toyota, Mazda, BMW, Volkswagen және Lexus екенін атап өтті. Оның айтуынша, 16-22 тамыз аралығында елде 4.6 мың полицей қатысқан «Автомобиль» шарасы өтті. Олар 95 қылмысты ашты.
Бір апта ішінде 3000 ТЖО, жеке шеберханалар, гараж кооперативтері мен автотұрақтар тексеріліп, 5 ұрланған машина табылды. Ал көлік бөлшектейтін және қосалқы бөлшек сататын 1756 орыннан қолды болған көліктерге тиесілі бөліктер табылып, тәркіленді.
![Шесть самых угоняемых марок авто назвали в Казахстане](https://kolesa-photos.kcdn.online/kolesa-read/8478ff7e1b460df064c2428563d49875feb80c11-872x491.jpg)
Қ. Нұрмағамбетов жыл басынан бері Қазақстанда көлік тонау 13.3 %-ға (былтыр 249 дерек тіркелген, биыл 216 көлік ұрланды), автомобиль ұрлығы 17.8 %-ға азайғанын хабарлады. Сегіз айда тәртіп сақшылары бөтеннің мүлкіне көз салған 749 қылмыскерді, оның ішінде 17 қылмыстық топты ұстады. Мұндай қылмыстардың ашылуы биыл 3.7 %-ға жоғарылап, 74.3 %-ды көрсетті.
Сонымен қатар КПД басшысының орынбасары біздің елден Ресейде лизинг немесе несие арқылы алынған, бір айдан соң Қазақстанға жеткізіліп, сатылып кеткен кепілдегі машиналар жиі табылатынын атап өтті. Бірақ ол мұндай көліктерге қатысты нақты статистикалық мәлімет бермеді.
Комментариев: 0