Қазақстанда қытай көліктері қаптады

Kolesa.kz-те сатылып жатқан ескі автомобильдердің арасында жапон модельдері басым. Сайтта 64 мыңдай хабарландыру тұр, бұл — жалпы базаның 34.8 %-ы. Қытайда жасалған ескі машиналарға небәрі 6.3 % тиесілі. Жаңа көлік сегментінде жағдай мүлде басқаша. Мұнда аспан асты елінің брендтері көш бастап тұр және олардың басымдығы артып келеді.

2022 жылы Қытайдан келген машиналар барлық хабарландырудың бірнеше пайызын ғана құраса, жапон және кәріс маркаларының көрсеткіші 70 %-ға жуық еді, 2025 жылдың аяғына қарай 53 % қытайлардың еншісінде болды. Жапон және кәріс брендтерінің үлесі 29 %-ға дейін азайды.

Қытай автоөнеркәсібі экспансиясын баяулататын түрі жоқ. 2026 жылдың басында Қазақстанда Soueast өнімдері саудаға шықты, MG-дің жұмысы жанданды, BYD топтамасына бірнеше модель қосылды, Lynk & Co 08 гибрид кроссовері жарық көрді. I тоқсан қорытындысы бойынша Қытайдың жаңа көліктерін сату туралы хабарландыру саны 61.6 % артты.

Ұсыныс көлемі бойынша екінші орында әлі жапон машиналары тұр, олардың үлесі 14.6 % шамасында. Үштікті Оңтүстік Кореядан шыққан автомобильдер (8 %) түйіндеді. АҚШ пен Еуропа брендтерінің көрсеткіші — 6.8 және 5.5 %.

Қазақстандағы автосалондарда сатылып жатқын жаңа модельдердің фотосуретін Kolesa.kz-тегі «Жаңа көліктер» бөлімінен қараңыз. Сипаттамасы, комплектациясы және бағасы сонда жазылған. Елдегі бүкіл автомобиль бір бөлімге жиналған!