Энергетика министрлігі жариялаған бұйрық бойынша бекеттердегі шекті баға мынадай болады:
- АИ-92 және АИ-93 маркалы бензин литрі — 205 теңге;
- дизельдің литрі — 295 теңге.
Шенділер осындай шешім қабылдауға мәжбүр болғанын мәлімдеді. Министрлік мұнай өнімдерінің шекара асуына осылай шектеу қойып, ішкі нарықты отынмен барынша қамтуды көздеп отыр екен.
Қазақстанда жанар-жағармай құны 2021 жылдың күзінен бері мүлде өзгермеген.
Агрария саласына арналған дизель бағасы көктемгі егін жұмыстары аяқталғанша өспейтінін айта кеткен жөн. Операторлардың шығынын есепке алғанда, диқандар солярканы 204 теңгеге алады, бұл билік бекіткеннен 31 % арзан.
Дизельдің дифференциал құны сол күйі қалады. Ел азаматтары 295 теңгеден тәулігіне 100 литр алса, жүк көлігі мен арнайы техника тізгіндеген тұрғындарға 300 литр дизель беріледі. Шетел азаматына бекеттер солярканың литрін 450 теңгеден сатады.
Комментариев: 0