Мемлекет басшысы «Тәуелсіз Мемлекеттер Достастығына қатысушы мемлекеттердің автокөлік құралдарын жымқыруға қарсы күрестегі және оларды қайтаруды қамтамасыз етудегі ынтымақтастығы туралы келісімге өзгерістер енгізу туралы хаттаманы ратификациялау туралы» Қазақстан Республикасының Заңына қол қойды. Бұл туралы Ақорданың баспасөз қызметі хабарлады.
Хаттамаға қол қойған елдер тіркеуден шығарылған, кеден органдарында тіркелген, сондай-ақ жол апаты, өрт және табиғи апаттан зақымдалған автомобильдер туралы ақпарат алмасуға міндетті болады. Ұрланған көлікті табу және оны қайтару жеңілдейді.
Қазақстан бұл құжатқа мемлекеттік шекарадан өтетін көліктер туралы ақпараттық деректер базасын қалыптастыру және жүргізуге қатысу талабы біздің елге қолданылмайды деген шартпен қол қойды.
Комментариев: 0