Угнанные в России авто станет проще найти в Казахстане

Ресейде ұрланған көлікті Қазақстаннан табу жеңілдейді

«ТМД елдерінің автокөлік құралдарын жымқыруға қарсы күрестегі және оларды қайтаруды қамтамасыз етудегі ынтымақтастығы туралы келісімге өзгерістер енгізу туралы» хаттаманы ҚР Парламенті ратификациялады. Заң жобасы президентке жолданды.

Ынтымақтастық туралы келісім 2005 жылы жасалған. Ал оған өзгерістер енгізу туралы хаттамаға 2018 жылы Қазақстан, Ресей, Беларусь, Тәжікстан, Қырғызстан және Молдова ішкі істер министрлері қол қойды. Бірақ түзетулер мемлекет басшыларының мақұлдауынсыз күшіне енген жоқ. Хаттамаға қол қойған елдер тіркеуден шығарылған, кеден органдарында тіркелген, сондай-ақ жол апаты, өрт және табиғи апаттан зақымдалған автомобильдер туралы ақпарат алмасуға міндетті болады. Әрі ұрланған көлікті табу және оны қайтару жеңілдейді.

«Сұрау салуды орындауға бір ғана ай беріледі. Сонымен қатар ақпарат беруден бас тарту үшін нақты негіз қажет», — деді ҚР ІІМ басшысы Ерлан Тұрғымбаев сенат отырысында.

Келісім бойынша бір жыл ішінде сұрау салынбаған автокөлік қай елде табылса, сол елдің меншігінде қалады.

Бұған дейін хаттама парламентте талқыланған. Сол кезде мәжіліс төрағасы Нұрлан Нығматулин соңғы 15 жылда елімізде 40 303 автокөлік ұрланғанын мәлімдеді. Оның 223-і ТМД елдерінен табылып, 66-сы ғана Қазақстанға қайтарылған.

Құжатты парламенттің қос палатасы мақұлдап, президенттің қол қоюына жолдады.

Комментариев: 0

Чтобы оставить комментарий, вам необходимо зарегистрироваться или авторизоваться.