Ақтас ауылының маңындағы теміржол өткеліндегі жол бөлігін Қарағанды тұрғындары видеоға түсіріп алып, әлеуметтік желіге салды. Былтыр көлік қозғалысын жеңілдету үшін қосымша жолақ пайда болды. Бірақ жол жөндеушілер асфальт төсемеген. Содан бері жүргізушілер қолайсыз жолдармен жүр.
Қыста бұл жол қатып, біраз жүруге жарамды еді. Қар ерігенде шұңқырлар қайта шығып, баяғы кейпіне түсті.
Мереке күндері мамандар жолға құм сеуіп, грейдермен өтті, өткел біраз тегістелгендей болғанмен, нәтиже ұзаққа созылмады.
Ekaraganda.kz хабарлағандай, қар толығымен еріген соң билік жолды уақытша жөндейді. Жазда Қарағанды — Жезқазған жолының құрылысы басталғанда Ақтас маңындағы өткел де жасалады.
Комментариев: 0