Қарағанды маңында ауыр жол апаты болды

Адам өліміне әкелген апат 20 маусым күні 18:15 шамасында болды. Қарағандыға 20 шақырым жетпей Алматы — Екатеринбург тас жолында Toyota Camry мен Nissan Quest минивэні соғысқан.

Жол апатының нақты неден болғанын тергеушілер анықтап жатыр, дегенмен апат орнында түсірілген роликтен машиналардың бетпе-бет келгенін көруге болады. Седанның да, кроссовердің де алдыңғы бөлігі жапырылып қалған.

Жергілікті полиция департаменті апат салдарынан алты адам көз жұмды, оның ішінде екі жүргізуші бар деді. Ауыр жарақат алған екі бала ауруханаға түсті.