Ауыр жол апаты 16 мамырда Ақтөбе облысында, Самара — Шымкент тас жолының 824-шақырымында болды. Полиция жариялаған фотосуретке қарағанда, Chevrolet Lacetti жүргізушісі қарсы жолаққа шығып Toyota RAV4-ке бетпе-бет соғылған сияқты. Облыстық полиция департаменті Chevrolet жүргізушісі мен жолаушысы (Өзбекстан азаматтары) оқиға орнында көз жұмғанын хабарлады. Lacetti-де отырған өзге үш адам мен «тойотадағы» 5 жасар баласы бар ерлі-зайыпты ауруханаға жеткізілді.
Полицейлер Қылмыстық кодекстің 345-бабы 4-бөлігі (Абайсызда екі немесе одан да көп адам өліміне әкелген апатқа себеп болған) бойынша сотқа дейінгі тергеу жүргізіп жатыр. Егер апатқа Chevrolet жүргізушісі емес, RAV4 рөліндегі азамат кінәлі екені анықталса, ол бес жылдан он жылға дейінгі мерзімге бас бостандығынан айырылады және 7 жыл көлік тізгіндей алмайды.
Комментариев: 0