Алматы әкімдігіне кәсіпкерлер шығынды өтеу туралы 99 өтініш берген. Шенділердің айтуынша, қазірге дейін 54 өтініш орындалып, 258 млн теңге төленді. Тағы 45-і қаралып жатыр.
— Өтінішті аудан әкімдіктері келіп түскен күннен бастап бір ай ішінде қарайды. Мүлікке келген залал тіркелген күннен бастап 7 күн ішінде бағаланады. Оны жәбірленушілер таңдаған тәуелсіз сарапшылар жүргізеді, — деді қала әкімдігі.
Қаңтар оқиғасы кезінде жеке тұлғаларға тиесілі қанша көлік зақымданғанын және оларға қашан өтемақы төленетінін жергілікті билік айтқан жоқ. Қаңтардың ортасында Алматы әкімінің орынбасары Ілияс Өсеров әкімдік жеке және заңды тұлғаларға бүлінген мүліктің құнын немесе оны қалпына келтіру үшін өтемақы төлейтінін жеткізген.
Шенеунік жеке тұлғаларға келген зиянды (соның ішінде жоғалған көліктер де бар) өтеу тәртібі әлі әзірленіп жатқанын айтты. Оның айтуынша, көлік ұрлау фактісі қылмыстық заң аясында тергеледі. Қираған көліктің несиесі кешірілмейді, бірақ өтемақы төленеді.
Содан бері үш ай өтті. Алматыдағы тәртіпсіздік кездінде зардап шеккен тұрғындар мына телефон нөмірлері арқылы қорғаушылардан тегін көмек ала алады:
- +7 (727) 248-21-68,
- +7 (727) 248-20-25,
- +7 (727) 233-78-63,
- +7 (727) 278-06-41,
- +7 (727) 234-17-63,
- +7 (727) 277-42-30.
Өңірлерде жергілікті қорғаушылар тобының сенім телефондары іске қосылды.
Қалада сынған, оқ тиген және өртенген көліктер үшін сақтандыру төлемі берілмейді.
Комментариев: 0