18 қаңтарда Алматы полициясы видео жариялап, бүлінген қызметтік автопарк пен қираған көлік қаңқаларын көрсетті.
Жергілікті ПД мәліметінше, тәртіпсіздік кезінде жалпы 165 машина зақымдалды, оның 53-і өртенген. 64 көлікті қалпына келтіру мүмкін емес.
Керектен шыққан машиналардың арасында Kia Cerato, Hyundai Elantra, Peugeot 301 және SsangYong пикапы негізінде жасалған автозактар, сондай-ақ көзге сирек түсетін Chevrolet Tahoe және Trailblazer секілді қызметтік жол талғамайтын көліктер бар. Бұл машиналарға қоршауы бар қондырма орнатылған.
Қазақстан полициясы қандай кешен қолданғанын нақты айту қиын. Соған ұқсас қондырма бірнеше елде шығарылады. Мысалы, Беларусьте орналасқан «Агат» зауытында әзірленген «Рубеж» деп аталатын кешен 2019 жылы MILEX көрмесінде көрсетіліп, Минск қаласында болған шеруде қолданылды. Салмағы 500 келі болатын құрылым 6 метрлік мобильді бөгетті де, шабуылға арналған сатыныы да көтере алады.
Арнайы құрылғының бағасы белгісіз, бірақ жол талғамайтын көлік үшін тәртіп сақшылары кәдімгідей қаржы жұмсағаны анық. Өйткені Chevrolet Tahoe 32 млн, ал рамалы Trailblazer шамамен 16.5 млн теңге тұрады. Жарияланған жазбадан полиция кем дегенде үш Tahoe мен бір Trailblazer-ден айырылғанын көруге болады.
Комментариев: 0