Облыс пен республикалық маңызы бар қала басшылары қандай темір тұлпар мінеді деген сұрақ көптің көкейінде жүргені жасырын емес. Бұған жауап іздеген Tengrinews.kz порталы мемлекеттік органдарға сұрау салып, қызық ақпарат жинады. Анықталғандай, шенділердің көбі Toyota мен Lexus мінеді екен. Олардың қатарында:
- Түркістан әкімі Рашид Аюпов (2008 жылғы Toyota Land Cruiser 200);
- Семей әкімі Ермак Сәлімов (2016 жылғы Toyota Camry);
- Ақтау әкімі Нұрдәулет Қилыбай (2010 жылғы Toyota Land Cruiser Prado);
- Атырау әкімі Қайрат Оразбаев (2017 жылғы Toyota Camry);
- Қарағанды әкімі Нұрлан Әубәкіров (2011 жылғы Toyota Land Cruiser 200);
- Өскемен әкімі Жақсылық Омар (2017 жылғы Toyota Camry);
- Қостанай әкімі Қайрат Ахметов (2010 жылғы Lexus LX 570);
- Шымкент әкімі Мұрат Әйтенов (2011 жылғы Lexus LX 570) бар.
Қала басшыларының арасында танымалдығы жағынан екінші орында тұрған Өскеменде құрастырылатын Kia көліктері. Бұл машинаны мініп жүрген ақ жағалылар:
- Көкшетау әкімі Амангелді Смайылов (2013 жылғы Kia Mohave);
- Петропавл әкімі Болат Жұмабеков (2015 жылғы Kia Quoris);
- Қызылорда әкімі Нұрлыбек Нәлібаев (2019 жылғы Kia Sorento);
- Павлодар әкімі Ержан Иманислам (2017 жылғы Kia Quoris);
- Талдықорған әкімі Бақытжан Әбдірайымов (2018 жылғы Kia Quoris).
Ал мегаполис басшылары өзгеден ерек. Нұр-Сұлтанның әкімі Алтай Көлгінов такси қызметіндегі Škoda Octavia-мен жүйткісе, Алматының басшысы Бақытжан Сағынтаев әкімдік 2013 жылы сатып алған қара түсті Mercedes-Benz S-Class-пен оңтүстік астананы аралайды.
Комментариев: 0