Өткен демалыс күндері Мәскеуде РДС қысқы кубогы басталды. Шара биыл Лужники кешенінен «Москва» техникалық спорт түрлері орталығына көшкен. Танымал әрі жас ресейлік шабандоздардан бөлек, жарысқа Қазақстаннан Пётр Бородин барды. Ол біздің өңірде раллист әрі халықаралық дәрежедегі спорт шебері ретінде танымал. Бородин бұған дейін WRC чемпионатына қатысып, 2024 жылы алғашқы CADS жарысында жеңіске жеткен.
Қысқы дрифт әдетте мұзда өтеді. Ал РДС қысқы кубогында дрифтерлер арнайы реагент себілген ылғал асфальтта, бірақ классикалық «Жигули» көліктерімен өнер көрсетті.
Петр Бородин Takayama Forward Auto командасының ВАЗ-2104 көлігін тізгіндеді, ал оның әріптесі Роман Тиводар
Бородин де, Тиводар да үздік 8 шабандоз қатарына кірді, бірақ соңғысы ұзақ жүре алмады. Ол Дамир Идиятулинге жол берді, ал Пётр RDS Западтың вице-чемпионы және RDS GP төрешісі Антон Новиковпен күш сынасты. Бұл шайқаста Бородин басым түсті.
Алайда Бородин үздік төрттікте Идиятулинді басып оза алмай, подиумның үшінші сатысы үшін таласуға мәжбүр болды. Ал финалға шыққан Дамир сібірден барған тағы бір мықты спортшы Евгений Лосевпен кездесті. Нәтижесінде Идиятулин жеңімпаз атанды. Лосев күміс жүлдені қанағат тұтса, Пётр Бородин қоланы қанжығалады.
Жарысты
YouTube-тегі RDS ресми арнасынан тамашалауға болады.
Петр Бородин биыл РДС қысқы кубогымен шектелмей, RDS GP сайысының бүкіл маусымында өнер көрсетеді.
Комментариев: 0