Porsche электрокарларын сымсыз қуаттауға болады

Porsche жақында электромобильді үйде қуаттауға арналған жаңа өнімін ұсынады. Ол тұраққа орнатылатын индукциялық алаңшасы бар сымсыз жүйе. Мұндай станцияның қуаты қабырғада тұратын қарапайым құрылғымен бірдей.

Компанияның есебінше электрлі Porsche иелерінің 75 %-ы көлігін үйде қуаттағанды жөн көреді. Сол себепті фирма индукциялық қуаттау жүйесінің болашағы бар деп ойлайды. Платформаның өлшемдері — 117×78×6 см, салмағы — шамамен 50 кг. Оны гаражға да, ашық тұраққа да қоюға болады.

1 / 6

• 
• 
• 
• 
• 
• 

1 / 6

Porsche өнімі 11 кВт қуат береді. Аккумуляторды толық қуаттауға кететін уақыт әзірге жарияланбады, себебі электрлі Cayenne-нің техникалық сипаттамасы белгісіз. Дегенмен көліктің астына (алдыңғы дөңгелектердің арасына) тас, ылғал және жолдағы басқа заттардан қорғайтын қабылдағыш құрылғы қоятыны белгілі.

1 / 3

• 
• 
• 

1 / 3

Cayenne тұраққа барып, индукциялық пластина үстіне тоқтаған сәтте қуат алуы үшін клиренсі төмен түседі. Процесті машина иесі арнайы қосымша арқылы басқарады.

Электрлі Porsche Cayenne Electric-тің тұсаукесері 2025 жылдың аяғында өтеді, ал сымсыз қуаттағыштың саудасы келер жылы басталады. Бренд батареялы Cayenne-нің прототипін Мюнхен автосалонында көрсетеді.