Брендтің FSD (v14.3.9) деп аталатын көмекшілер кешені жаңарды, мамандар оған Automatic Collision Evasion (ACE) функциясын қосқан. Онымен машина шұғыл әрекет ету қажет жағдай туындағанда маневр жасау мүмкіндігін алады, ол үшін электромобильдің қай режимде қозғалып бара жатқаны маңызды емес.
Техниканы жай ғана тоқтататын стандарт шұғыл тежеу жүйесінен (AEB) айырмашылығы сол, ACE рөлді бұрып, жүргізуші сасқаннан басып жібермесін деп газ педалін бұғаттайды. Жүйе жылдамдық қосу қажет пе, тежеу керек пе, әлде кедергіні айналып өткен жөн бе, өзі шешеді. Мұндай әрекет алгоритмі трассада 85 мильден (137 км/сағ) аспайтын жылдамдықпен қозғалғанда және жаяу жүргінші болмаған кезде қолданылады.
Автопилот камера жүргізушінің жолға қарамай отырғанын көрсе не FSD-ді байқамай өшіріп қойса да, іске қосылады. Бұл функция кез келген жолда және жылдамдықта жұмыс істейді.
Жүргізуші жүйенің сигналын басу үшін рөлді кері бағытта бұру тәсілін қолданса болады.
ACE әзірше тек Солтүстік Америкадағы модельдерде бар, оны FSD Supervised функциясын алып, іске қосқандар ғана пайдалана алады.
Комментариев: 0