«15:50-де Бурабай ауданының полиция бөліміне АО «Қазавтожол» терминалында жаяу жүргіншіні көлік қаққаны және оның оқиға орнында көз жұмғаны туралы қоңырау түсті. Марқұм 54 жастағы Көкшетау тұрғыны» — деп мәлімет берді тәртіп сақшылары.
Нұрлан Жүнісов есімді азамат жүк көлігінің жүргізушісі болған екен. 26 мамыр күні ол Макинск қаласына жол тартқан. Бурабай маңындағы ақылы терминалдан өтпек болып кезекке тұрады да, көліктен түскен сәтте Mercedes-Benz 190-ның астына түседі.
Куәгерлердің айтуынша, Нұрлан бірнеше ондаған метрге ұшып кеткен, ал Mercedes тоқтамастан Макинск жаққа өтіп кетеді және қылмыскер тек қалада қолға түскен. Кейін көлік рөлінде Макинка бекетіндегі полиция бөлімшесінің басшысы майор Ролан Қанғожин отырғаны белгілі болды. Оның жол апаты болған сәтте мас болған-болмағаны белгісіз, сараптама қорытындысы жарияланған жоқ. 27 мамырда ол қызметінен қуылып, түрмеге қамалды.
Экс-полицейге қатысты тергеу жұмыстары ҚР ҚК-нің 345-бабы (Көлiк құралдарын басқаратын адамдардың абайсызда адам өліміне әкеп соққан жол жүрісі ережесін бұзуы) бойынша жүргізілуде. Оған сай Қанғожин 5 жылға темір торға қамалып, бес жыл көлік жүргізу куәлігінен айырылуы мүмкін.
Комментариев: 0