Қайғылы оқиға 4 наурыз күні сағат 20:55 шамасында Ақтөбе облысындағы Шалқар — Бозой тас жолының 4-шақырымында болды. Алдын ала мәлімет бойынша Шалқардағы № 8 мектептің 9-сыныбында оқитын жасөспірім ағасының көлігін рұқсатсыз жүргізген. Машинаға достарын отырғызып алған бала рөлге ие бола алмай, арыққа түсіп кетеді. Апат болған сәтте көлікте отырған бір қыз оқиға орнында жан тапсырған, екіншісі ауруханада қайтыс болды. Екі жігіт ауыр жарақат алыпты, олар қазір ем алып жатыр. 15 жастағы бір баланы дәрігерлер тексеріп, үйіне жіберген.
Mgorod.kz хабарлағандай, жергілікті Полиция департаменті оқушы машинаны рұқсатсыз айдап кеткенін айтқан. Бұл іске қатысты тергеу басталды. Адам өліміне себеп болған бала ғана емес, көлік иесі де жауапқа тартылуы мүмкін.
Комментариев: 0