«Хабар 24» телеарнасының эфирінде премьер-министрдің орынбасары Роман Скляр «ӨКМ операторы» шотындағы утилизациялық алымнан түскен жүздеген млрд соманың қалай жұмсалатынын айтты.
«Шарт мынадай болады: алдын ала төлемсіз 4 %-бен несие беріледі, оның қазіргі жеңілдетілген автонесие бағдарламасынан айырмашылығы — бұрын 20 % көлемінде алдын ала төлем жасау, 4 % жылдық сыйақы мөлшерлемесі және несие мерзімі 7 жыл болған. Бағдарлама бойынша қымбат емес көліктерге несие беріледі. Осылайша 71 мың азамат қолжетімді бағамен жаңа машина сатып ала алады», — деді премьер-министрдің орынбасары.
Бұған дейін ҚР ИИДМ 2027 жылға дейін жеңілдетілген автонесиеге 250 млрд теңге бөлу жоспарланып отырғанын хабарлады, оның 150 миллиарды мемлекеттік бюджеттен алынады, қалған 100 миллиарды «ӨКМ операторының» утилизациялық алымнан жинаған ақшасы. Жеңілдетілген автонесие бағдарламасына 100 млрд тарту мәселесі әлі қарастырылып жатыр. Шенділер «ӨКМ операторы» шотындағы ақша халықтың осал топтарына берілетінін айтады. Бағасы 10 млн теңгеден аспайтын отандық автокөлікті сатып алуға болады. Бірақ мұндай жеңілдікті пайдалануға лайықты тұрғындар қандай критерийге сүйеніп анықталатыны қазірше белгісіз.
Жаңа жеңілдетілген автонесие бағдарламасы бойынша сатып алуға болатын, бағасы 10 млн теңгеден аспайтын көліктер тізімі
| Маркасы, моделі | Шанақ типі, класы | Бағасы |
| Chevrolet | ||
| Cobalt | Седан, B класы | 5.7-ден 6.3 млн теңгеге дейін |
| Nexia | Седан, B класы | 5.4-тен 5.7 млн теңгеге дейін |
| Spark | Хетчбэк, A класы | 5-тен 5.1 млн теңгеге дейін |
| Tracker | Шағын кроссовер | 9.4-тен 10 млн теңгеге дейін |
| Hyundai | ||
| Accent | Седан, B класы | 6.7-ден 7.8 млн теңгеге дейін |
| Creta | Шағын кроссовер | 9.1-ден 13.1 млн теңгеге дейін |
| Elantra | Седан, С класы | 8.4-тен 12.2 млн теңгеге дейін |
| JAC | ||
| J7 | Лифтбек, D класы | 8.4-тен 9.3 млн теңгеге дейін |
| S3 | Шағын кроссовер | 7-ден 7.8 млн теңгеге дейін |
| S5 | Шағын кроссовер | 8 млн теңге |
| Kia | ||
| Picanto | Хетчбэк, A класы | 7-ден 8 млн теңгеге дейін |
| Rio | Седан, хетчбэк, B класы | 7.3-тен 9.5 млн теңгеге дейін |
| Lada | ||
| Granta | Седан, лифтбек, B класы | 3.7 млн теңгеден жоғары |
| Largus | Универсал, B класы | 6-дан 7.5 млн теңгеге дейін |
| Niva Legend 5D | Жол талғамайтын көлік | 5.7-ден 6.2 млн теңгеге дейін |
| Niva Legend | Жол талғамайтын көлік | 5.3-тен 5.8 млн теңгеге дейін |
| Niva Travel | Жол талғамайтын көлік | 6.6-дан 7.4 млн теңгеге дейін |
| Vesta | Седан, универсал B класы | 5.8-ден 8.6 млн теңгеге дейін |
| XRAY | Хетчбэк, B класы | 6.3-тен 8.7 млн теңгеге дейін |
| Renault | ||
| Arkana | Шағын кроссовер | 8.3-тен 10.9 млн теңгеге дейін |
| Kaptur | Шағын кроссовер | 7.9-дан 10.5 млн теңгеге дейін |
| Duster | Шағын кроссовер | 7.4-тен 9.7 млн теңгеге дейін |
| UAZ | ||
| Hunter | Жол талғамайтын көлік | 7.3 млн теңге |
| Patriot | Жол талғамайтын көлік | 8.4-тен 11.4 млн теңгеге дейін |
Сонымен қатар вице-премьер утилизациялық алым мөлшері 50 %-ға азаятынын айтты.
Комментариев: 0