Апат дүйсенбі күні, 23 қыркүйекте сағат 15:00 шамасында болды. Нұр-Сұлтан қалалық полиция департаментінің баспасөз қызметі хабарлағандай, 22 жастағы жігіт тізгіндеген Howo маркалы жүк көлігі А-187 көшесімен Байырқұм көшесіне бағыт алған. Мұстафа Кемал мен оған қатысты екінші дәрежелі жол болып табылатын А-187 көшесінің қиылысында жүргізуші № 64 бағытта келе жатқан автобусқа жол бермей, нәтижесінде қос көлік бетпе-бет соғылды.
Куәгерлер түсіріп алған бейнежазбадан автобусқа айтарлықтай зақым келгенін аңғаруға болады. Полицейлердің айтуынша, осы жол апатынан кейін қалалық ауруханаға 22 жолаушы барған, медициналық көмек көрсетілгеннен кейін олар үйлеріне қайтарылды. Тек қоғамдық көліктің жүргізушісі ғана ауруханаға жатқызылды. Қазіргі таңда тергеу жұмыстары жүргізілуде.
Комментариев: 0