3 қазанда «Жол жүрісі туралы» заңға және Әкімшілік кодекске түзету енгізуге президент қол қойды. Бұған дейін сенат заң жобасын мақұлдады.
Басты жаңалық:
- Мопедті міндетті түрде тіркеу, техпаспорт пен мемлекеттік нөмір беру. Сонымен қатар мопед жүргізуге А1 санатындағы жүргізуші куәлігі болуы керек. Бірақ А және В санатындағы куәлікпен де басқаруға болады.
- Елде орташа жылдамдықты тіркеу басталады. Ол автомобиль жүріп өткен халықаралық және республикалық маңызы бар жалпы жолдың ұзындығын осы қашықтықты еңсерген уақытқа бөлу арқылы есептеледі. Қала көшелерінде орташа жылдамдық тіркелмейді.
- Мас күйінде көлік жүргізгені үшін куәлігінен айырылған азаматтарға 7 немесе 8 жылға дейін жүргізуші куәлігін қайта алу емтиханына қатысуға тыйым салынады.
- Әкімшілік кодекске рұқсат етілген жылдамдықты 40-60 км/сағ және 60 км/сағ-тан асырған жүргізуші үшін жаңа айыппұл, сондай-ақ қайталанған құқық бұзушылық үшін қосымша шаралар енеді.
- Жүргізуші күндізгі жарық шамын жақпаса және бірінші рет ереже бұзса, тек ескерту жасалады. Қазіргі Әкімшілік кодекстен балама жаза ретінде айыппұлды алып тастайды.
Түзетулер 4 қазанда ресми түрде жарияланды.
Құжатта орташа жылдамдықты есептеу және заң мен Әкімшілік кодекстің кейбір тармағына қатысты нормалар сол сәттен бастап 60 күн өткен соң, яғни биыл желтоқсанның басында күшіне енетіні көрсетілген. Ал жүргізуші куәлігінсіз және нөмірсіз мопед жүргізуге тыйым салу 6 айдан кейін, яғни 2025 жылдың 4 сәуірінде басталады.
Мопед тіркеу қашан басталатыны және қалай жүзеге асатыны туралы ІІМ әлі хабарлаған жоқ. Жаңалықтарымызды қадағалап отырыңыздар!
Комментариев: 0