Елде мопед тіркеу басталды

2023 жылы басталған шара мәресіне жетті десе болады. 20 қаңтарда скутер мемлекеттік нөмір алды. Алматы Әкімшілік полиция басқармасының процессинг орталығының бастығы Айдын Меркімбаевтың айтуынша, бұл 11 қаңтарда күшіне енген ІІМ-нің пилоттық жобасы аясында жүзеге асты.

Шағын көлемді мототехниканы тіркеу үшін оның иесінде мынадай құжаттар қажет: жеке куәлік немесе оның цифрлық нұсқасы, техникалық құжат (бар болса) немесе мопедтің сипаттамасы туралы мәлімет (ашық дереккөзден алынған мәлімет). Арнайы ХҚКО-да өтініш толтырып, көлік құралын тексеруден өткізіп, мемлекеттік баж төлеу керек.

Тіркеу ережесіне және «Жол жүрісі туралы» заң мен Әкімшілік кодекске енген түзетулер 5 сәуірден бастап ресми түрде күшіне енеді. Осы күннен бастап моторының көлемі 50 текше см-ге дейінгі мопед ресми түрде механикалық көлік құралымен теңеседі. Демек оны басқару үшін А1, А немесе В категориясындағы куәлік болуға тиіс және мемлекеттік нөмір, сақтандыру, техникалық тексеруден өткені туралы құжат қажет болады.