Nissan жаңарған Pathfinder-ді көрсетті

Nissan 2026 жылғы модель жылының өкілі болатын Pathfinder-ді таныстырды. Кроссовердің сырт пішіні аздап өзгеріп, опциялары көбейген әрі медиатехнологиясы жақсарды. Бірақ күштік құрылымы өзгеріссіз қалды. Жаңа модель АҚШ-та жақында саудаға шығады, бағасы қазірше белгісіз.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Жаңа Nissan Pathfinder-дің алдыңғы бөлігі заманауи бола түсті. Радиатор торының формасы өзгерген жоқ, бірақ енді үлкен рамасы болмайды. Радиатор торының шетінде жарықдиодты қосымша пайда болған. Сондай-ақ бампер пластигі аздап өзгерді. Кей комплектацияда рейлинг күміс түсті емес, қара түсті болады, дөңгелек дискісінің дизайны өзгеріп, салоны жаңарды. Түс гаммасына Baltic Teal реңкі қосылды.

Интерьердегі басты өзгеріс — медиажүйе дисплейі. Pathfinder енді бұрынғыдай 9 дюймдік емес, 12.3 дюймдік экранмен жабдықталады. Айнала шолу камерасы Invisible Hood View функциясымен толықты. Cмартфонды сымсыз қуаттау жүйесі жақсарды, онда салқындату функциясы мен магнитті бекіткіш болады.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Кроссовер Rock Creek деп аталатын жол талғамайтын комплектациясын сақтап қалды, ол жаңарған аспа, биіктеу клиренс, басқа шина және сәл сұсты сырт пішінімен ерекшеленеді. Бұл түрленім панорамалы шатыр, жылытуға болатын рөл және жүксалғыштағы розетканы қамтитын опция түріндегі Premium пакетімен жабдықталады.

АҚШ-та Pathfinder 284 ат күшіне ие (350 Нм) 3.5 литрлік V6 мотормен жүреді, агрегат 9 диапазонды автомат қорап және жеті жүргізу режимі бар опция түріндегі толық жетекті жүйемен жұмыс істейді. Кроссовердің тұсаукесері қарашадағы Лос-Анджелес автосалонында өтеді. Сол кезде модельдің басты бәсекелесі жаңарған Kia Telluride де жарық көреді.