Бренд жаңарған V6-ның тизерін сәуірде көрсеткен, маусымда 14-буын өкілінің премьерасы қыста өтеді деген сыбыс тарады. Енді жуырда Nissan Motor-дың бас директоры Айвен Эспиноса көліктің тұсаукесері 2026 жылғы желтоқсанға жоспарланғанын айтты.
Топ-менеджер автомобильдің техникасына қатысты тың мәлімет берген жоқ, қолда бар ақпарат бойынша Skyline артқы жетекті платформаға негізделеді, капот астында 3 литрлік V6 турбомоторы тұрады. Автомобиль Nissan Z спорткарының қозғалтқышы мен механикалық қорабын алатын сияқты.
Nissan бұл модель брендтің ес жиып, етек-жеңін жинағанын әлемге паш ететін басты символдардың бірі болады деп сеніп отыр, ал оны әзірлеу процесі марканың жаңа жобалау тәсілінен хабар береді. Әр кезеңде цифрлық модельдеу мен жасанды интеллектіні пайдалану техника құрастыру мерзімін 55 айдан 26 айға дейін қысқартуға септескен.
Комментариев: 0