Nissan Z тарга болды

АҚШ-тың Финикс қаласында жылда өтетін Z-сериялы (ZCON) көлік иелерінің слетінде Nissan маркасы Z Kaze моделін таныстырды. Атауы жапон тілінде «жел» мағынасын беретін көлікті әзірлеуге GReddy ательесі атсалысқан. Ол алдыңғы буындағы төбесі ашық спорткарлар мен ХХ ғасырдың аяғындағы жапон тюнинг-мәдениетіне құрмет белгісі.

1 / 10

• 
• 
• 
• 
• 
• 
• 
• 
• 
• 

1 / 10

Ашық көк түсті Z Kaze әдеттегі Z-тен карбон бастырығымен, дөңгелек аркасындағы қаптамасымен және желденетін капотымен ерекшеленеді, тағы бір айрықша тұсы — ортасында арқалығы бар тарга типті шатырмен және оңай алынатын панельдермен жабдықталған.

Жоба авторлары «классикаға келетін» жаңа диск жасамай-ақ, 1990 жылдардың аяғында шыққан Nismo LMGT2-нің дөңгелегін тауып, қалпына келтіріпті.

Шеберлер ақ былғарымен қаптап, қара акценттер қосқан, ортаңғы консолі мен аспаптар панелін карбонмен әрлепті. Орындықтағы бас тірегіштерге Bose динамиктерін орнатқан.

Автомобильдің аспасын жақсартып, қаттырақ етіп жасаған. Тоғыз сатылы автоматпен жұптасқан 3 литрлік V6-ның қуаты артты. Бірақ бренд нақты сандарды атамады. Агрегат 500 ат күшін береді деген болжам бар.

Біз сөз етіп отырған Nissan Z Kaze қазір көрмеде тұратын үлгі ғана. Компания өкілі концептіге қызыққан адам саны көп болса, оны конвейерге қоямыз деп мәлімдеді.