Nissan Qashqai Қазақстанға қайта орала ма?

Nissan-ның Қазақстандағы жағдайы белгісіз күйде тұр. Бұрын біздің елге машина марканың Ресейдегі өкілдігінен келетін, 2022 жылы бренд Ресей нарығынан кетті. 2023 жылы жағдай өзгеретіндей көрінген, Orbis Auto мен Nissan Middle East FZE келісім жасады. Бірақ осы мәлімдемеден кейін серіктестік жайлы мүлде ақпарат шықпады. Шамасы Nissan Қазақстанға енді оралатын сияқты, бір модель Көлік құралының типін мақұлдау құжатын алды.

1 / 6

Nissan Qashqai возвращается в Казахстан?

Nissan Qashqai e-POWER

1 / 6

Компания құжатты үшінші буындағы Qashqai-ға рәсімдеген. Бұл кроссовер 2021 жылы жарық көріп, былтыр жаңарды. Ал биыл маусымда гибрид түрленімі пайда болды.

1 / 8

Nissan Qashqai e-POWER

1 / 8

Қазақстанда Qashqai екі түрлі күштік құрылыммен сатылады. Біріншісі — 150 ат күшіне ие 1.3 литрлік турбомотор. Еуропада мұндай агрегат стартер-генератормен жабдықталған әрі 6 сатылы механика қорап немесе вариатормен жұмыс істейді. Қазақстан нарығына машинаның алдыңғы және толық жетекті нұсқасы шығады. Ал механика қорабы бар көлік біздің елге келмейді.

Екіншісі — e-Power тізбекті гибриді. Мұндай машинаның капот астында 1.5 литрлік мотор тұр, бірақ ол дөңгелекпен тікелей байланыспай, генератор рөлін атқарады. Автомобиль алдыңғы осьтегі электромотормен жүреді, ол не дәстүрлі қозғалтқыштан, не 2.1 кВт·сағ батареядан қуат алады. Жүйенің жалпы қуаты — 205 ат күші, ал жүріс қоры — 1200 км.

Nissan Qashqai Қазақстанда қашан саудаланатыны белгісіз. Компания өкілдері брендтің елдегі мәртебесіне қатысты ресми мәлімдеме жасаған жоқ.

Комментариев: 0