Франкфуртте өтетін автосалон қарсаңында Nissan компаниясы Juke кроссоверінің екінші буынын көпшілікке көрсетті. Бір сәтке көз жүгіртсеңіз, ол жәй рестайлинг сияқты көрінуі мүмкін, алайда жақындап келіп қарағанда, сіз оның мүлде жаңа «Джук» екенін аңғарасыз. Жаңа үлгі алдыңғысының өлшемдері мен жалпы стилін сақтаған және бұл бекер емес. Nissan-ның пікірінше, Еуропадағы клиенттердің назарын аударған көліктің дәл осы дизайны. Компания қызметкерлері бұл да алдыңғы үлгінің жетістігін қайталайды деген үмітте.
Кроссовер негізінде McPherson тіреулеріне ие CMF-B модульдік платформасы жатыр. Паркетниктің ұзындығы — 4 120 мм-ге, ені — 1 800 мм-ге, ал биіктігі 1 595 мм-ге дейін артқан. Бірақ салмағы 23 келіге төмен. Үстеменің басым бөлігі салонның пайдасына жұмсалып, ол біршама кеңейді.
Дербестендіруге мүмкіндік беретін опциялар саны артса да, интерьері анағұрлым байсалды көрінеді. Салонда NissanConnect медиажүйесінің 8 дюймдік дисплейі ерекше көз тартады. Бейімді круиз-бақылаудан және автоматты тежеу, қозғалыс жолағында ұстап қалу жүйелерінен тұратын ProPilot опция ретінде қолжетімді.
Juke қақпағының астына 117 аттың күшіне ие үш цилиндрлі турбомотор орнатылған, ол 6 сатылы механикамен не 7 сатылы роботпен жұптаса жұмыс істейді. Айналу сәті алдыңғы дөңгелектерге беріледі. Nissan кейін бұл қатарға толық жетек жүйесі мен анағұрлым көлемді төрт цилиндрлі агрегатты да қосатынын айтты.
Екінші буындағы Nissan Juke кроссоверінің ресми таныстырылымы Франкфурттегі автосалонда өтеді. Ал Еуропадағы сатылымы қараша айында басталады. ЕЭО нарығына жаңа көлік жете қоймайтын сияқты.
Комментариев: 0