Nissan электрлі GT-R әзірлеп жатыр

Nissan электрлі GT-R әзірлеп жатыр

Ол қазіргі R35-тің ізбасары емес, 1990 жылдардың басында шыққан Skyline GT-R рестомоды.

Nissan автоөндірушілер арасында белең алған бағытқа бет бұрып, классикалық автомобильге электромотор орнату туралы шешім қабылдады. Компания жұмысты тюнинг пен автоспортқа жаны құмар жандарға қатты ұнайтын BNR32 индексті Skyline GT-R моделінен бастамақ. Бұл машина жұртқа «Годзилла» атауымен де таныс.

Марка өкілдері жоба авторы электрификация саласының маманы саналатын инженер екенін айтты. Ол «32-модельді» жоғары бағалайды екен.

Рестомодтың техникасына қатысты мәлімет жоқ. Nissan оны кейін әлеуметтік желі арқылы жария етеді. Стандарт Skyline GT-R (BNR32) 2.6 литрлік RB26DETT турбомотрымен жүреді. 280 ат күшіне ие (361 Нм) агрегат механикалық қорап және толық жетек жүйесімен жұмыс істейді. Электрлі GT-R толық жетек жүйесін сақтап қалып, қуаты біршама артатын сияқты.

Егер жоба сынақтан сәтті өтсе, GT-R көп ұзамай конвейерге тұрады.

Комментариев: 0

Чтобы оставить комментарий, вам необходимо зарегистрироваться или авторизоваться.