Өткен сенбіде Алматыдағы № 12 клиникалық емханаға қарсы бетте жол апаты болды. Сәтбаев көшесімен батыс бағытта қозғалып бара жатқан Mitsubishi Pajero жүргізушісі Манаспен қиылысатын жерде рөлге ие бола алмай қалады. Жол жиегіне шығып кеткен көлік аялдамаға соғылып, аударылған да, жерасты өткеліне түсіп кеткен. Абырой болғанда, бұл сәтте өткелде адам болмапты.
Ескерту! Видеода былапыт сөздер айтылады. 18+
Апат салдарынан жүргізушіні қоса алғанда, екі әйел мен 2015, 2014 және 2010 жылғы үш бала жарақат алған. Бәрі ауруханаға жеткізілді.
Полиция департаментінің баспасөз қызметі машинада балалар орындығының бар-жоғын, жолаушылардың қауіпсіздік белдігін таққан-тақпағанын айтпады. Естеріңізге сала кетейік, NHTSA статистикасына сүйенсек, қауіпсіздік белдігін таққан адамдардың өлімге әкеп соғатын жарақат алу мүмкіндігі 74 %-ға төмен. Жол ережесіне сай, салон ішіндегі адамдардың бәрі белдік тағуы тиіс, ал 12 жасқа дейінгі балалар арнайы орындықта отыруы қажет.
Комментариев: 0