Mitsubishi бұған дейін жаңа жол талғамайтын көлік әзірлеп жатқанын аңғартатын бір ғана ақпарат таратқан. Атап айтқанда, марканың спорттық тарихы туралы видеороликте тизерін көрсетті. Содан бері бренд бұл автомобиль жайлы еш мәлімет жариялаған жоқ.
Pajero ізбасарының прототипі Еуропа жолдарында бірнеше рет көзге түскен, наурыздың аяғында Аустралиядағы БАҚ машина туралы қызық мәлімет жариялады. CarSales басылымының инсайдері рамалы жол талғамайтын көлік биыл жарық көретінін хабарлады. Тұсаукесері тамыз немесе қыркүйекте өтеді деген ақпарат бар, машина Аустралия нарығына желтоқсанда шығуы мүмкін.
Pajero-ның ізбасары Mitsubishi L200 (Triton) пикабының рамасын алады деген болжам бар, машина Аустралияда 2.4 литрлік турбодизельмен жүреді.
Комментариев: 0