Mercedes-Benz өндірісте жасанды интеллектіні кеңінен қолдану туралы жоспарын жариялады. Apollo деп аталатын адам тәрізді роботтар компанияның Берлиндегі инновациялық алаңдарының бірінде жұмыс істеуге дайын.
Бұл роботты Apptronic стартапы жасаған. Жобаға Остиндегі Техас университетінің робототехника зертханасының инженерлері мен өндіріс процесі туралы өзекті мәлімет берген Mercedes-Benz қызметкерлері қатысқан. Google DeepMind бөлімшесінің мамандары да қол ұшын берді.
Apollo-ның бойы — шамамен 170 см, салмағы — 73 кг және қолымен 25 келіге дейін жүк көтере алады. Оның көзі, басы болғанымен, дыбыспен емес, жарықдиод арқылы берілетін кодталған хабарламамен сөйлейді.
Mercedes-Benz мәліметінше бастапқы кезеңде бұл андроид интралогистика саласындағы тапсырмаларды орындайды. Қарапайым тілмен айтқанда, Apollo құрастыру конвейеріне бөлшектер, компоненттер мен модульдер жеткізумен айналысады. Болашақта роботтар сапа тексеруді қатар алып жүре алады және бренд оларға анағұрлым күрделі тапсырмалар орындауды үйретеді.
мНеміс концерні Apptronic-ке бірнеше миллион еуро инвестиция салғанын хабарлады. Бұл қаржы компанияның өндіріс процесін барынша роботтандыруға деген ұмтылысын көрсетеді.
Комментариев: 0