Қытайлар Stellantis-тің Еуропадағы зауыттарын пайдалануы мүмкін

Еуроодақ Қытайдан импортталатын автомобильге жоғары кедендік баж салығын енгізгендіктен, аспан асты еліндегі автоөндірушілер Еуропада көлік құрастыру жолдарын іздеп жатыр. Кейбір компания зауыт салуды жөн керсе, басқалары дайын және бос тұрған өндіріс алаңын пайдаланбақшы.

Stellantis сияқты ірі альянстар бұған қарсы емес көрінеді. Кәсіпорын Испанияда Leapmotor өнімдерін құрастырады деген ақпарат тарады. Bloomberg басылымы өз дереккөзіне сілтеме жасап хабарлағандай, альянс Қытайдағы жаңа серіктестерімен келіссөз жүргізіп жатыр. Ол Dongfeng болуы мүмкін, өйткені корпорация PSA-мен Dongfeng Peugeot-Citroën Automobile кәсіпорнын құрған, енді Xpeng және Xiaomi компанияларымен бірлесіп жұмыс істеу мүмкіндігін талқылап жатқан сияқты.

Stellantis қытай машиналарын Еуропада шығаруға жағдай жасап, Қытайда дәл сондай шартпен жұмыс істеуге ниетті.

Нақты қай алаңы іске қосылатыны белгісіз. Басылым Alfa Romeo мен Maserati-дің жағдайы мәз емес екенін атап өтті. Италияда өндіріс қарқынының бәсеңдеуі 2024 жылы ереуілге себеп болған. Associated Press дерегінше Stellantis пен жергілікті маркаларды уысында ұстаған алдыңғы альянстардың әрекеті салдарынан 20 жыл ішінде елдегі көлік өндірісі 70 % кеміді.