Mercedes-Benz модельдеріне штурвал орнатады

2026 жылдан бастап Mercedes-Benz автомобильдеріне штурвал формасындағы шағын рөл орнатады, ол дөңгелекпен тікелей байланыспайтын жаңа рөл жүйесінің бір бөлігі болады. Осылайша неміс бренді Tesla, Lexus сияқты автоөндірушілердің қатарына қосылды.

Steer-by-wire деп аталатын кешен тұраққа қою сияқты төмен жылдамдықта маневр жасаған кезде рөлді ұстамауға мүмкіндік беріп, жүргізушінің жұмысын жеңілдетеді. Мұндайда дөңгелектің рөл қозғалысына сезімталдығы қозғалыс жылдамдығына байланысты өзгереді.

Компания резервте қуат көзі бар электронды рөл арнайы алаңда және нақты жағдайда сынақтан өткенін хабарлады. Прототип миллион километр жүруге жарамды.

Бренд 2026 жылы штурвал алдымен рестайлингтен өткен электрлі EQS седанына, содан кейін S-класс топтамасына және басқа көліктерге орнатады.