Mercedes-AMG GLC алты цилиндрлі мотормен жүреді

Mercedes-AMG 2 литрлік мотормен жүретін қуатты модельдерді ұнатпаған клиенттердің шағымына назар аударды. Марка бұған дейін C-Class-тың 6 цилиндрлі агрегаты бар жаңа нұсқасын көрсеткен, енді дәл сондай қозғалтқышпен жүретін GLC кроссоверін жұрт назарына ұсынды. C53 индексті жаңа өнім жұмсақ гибрид.

1 / 18

Mercedes-AMG GLC получил шесть цилиндров вместо четырёх

Mercedes-AMG GLC 53 4MATIC+ Coupe

1 / 18

Капот астында біршама жақсарған бұрыннан таныс 3 литрлік M256M жатыр. Агрегат жаңарған тарату білігі мен цилиндр блогының басы, жаңа интеркулер және басқа газ шығару жүйесімен жабдықталған. Нәтижесінде қозғалтқыш қуаты 443 ат күшіне, айналу моменті 600 Нм-ге (overboost режимінде — 640 Нм) жетті. Соның арқасында кроссовер алғашқы жүздікті 4.2 секундта еңсереді. Жылдамдығы сағатына 250 шақырымнан аспайды. AMG Dynamic Plus Package пакетінде 270 км/сағ-қа жетеді.

Тоғыз сатылы AMG Speedshift автомат қорабы моментті барлық дөңгелекке береді. Иесі қосымша ақы төлеп, артқы оське электроника басқаратын дифференциал және дрифт режимін орната алады. Ал толық басқарылатын шасси үшін клиенттер артық ақша жұмсамайды. Ондай артқы дөңгелек стандарт комплектацияға кіреді.

1 / 7

53 индексті нұсқа стандарт Mercedes-AMG GLC мен атауында Coupe қосымшасы бар көлікте болады. Комплектация жайлы толық ақпарат пен бағасын кейінірек білеміз.

Комментариев: 0