Маусымдағы автонарық: жарты жылда 83 мың жаңа көлік саудаланды

2024 жылдың маусымы ресми автодилерлер үшін жемісті болды. Бір айда елде 16 688 жеңіл автомобиль мен жеңіл коммерциялық техника саудаланды, бұл 2023 жылдың маусымынан аз, бірақ мамырдағы көрсеткіштен 30.2 %-ға жақсы.

Қазақстан автомобиль одағының мәліметінше бірінші жартыжылдықта 83 220 көлік өз иесін тапты, 2023 жылғы рекордтан тек 0.1 % артта қалды. Дилерлер екінші жартыжылдыққа дайын ба, әлі белгісіз. Былтыр шілдеден желтоқсанға дейінгі кезеңде сауда тұрақты түрде 18 мыңнан асып тұрды, ал жылдың аяғында 24 мыңға жетті.

Нарықтағы ресми сатушыларды «сұр» көліктер көбірек алаңдатады. Қазақстан автомобиль одағының президенті Анар Мақашеваның айтуынша тексеруден өтпей және сертификат алмай жасалған бақылаусыз импорт елдің экономикалық тұрақтылығы мен қауіпсіздігіне қауіп төндіріп қана қоймай, сатып алушылар үшін де үлкен проблема тудырады, өйткені сатушылар жалған құжат жасап, міндетті төлем мен салықтан жалтарады.

2024 жылғы маусым қорытындысы бойынша жаңа автомобильдер нарығындағы үздік 10 марка

Ресми нарықтың көшбасшыларына келетін болсақ, маусымда бірінші орынды тағы да Hyundai алды. Бренд 3522 көлік сатты, бұл 2023 жылдың маусымымен салыстырғанда шамамен 17 % аз. Екінші орын иеленген Kia саудасы керісінше едәуір өсті: 2979 көлік немесе 19.1 %. Маусымның үздік үштігін Chevrolet жапты, былтырғы кезеңмен салыстырғанда саудасы 55.1 % төмендеді, тек 1815 автомобиль өз иесін тапты. Қалған екі орынды Chery (1239 дана) және Toyota (1130 дана) иемденді. Соңғысы биыл алғаш рет бестікке кірді.

1 / 10

• 
• 
• 
• 
• 
• 
• 
• 
• 
• 

1 / 10

Үздік маркалар тізімінде Chevrolet Cobalt көшбасшы орнын сақтай алмады. Маусымда тағы да Hyundai Tucson (1884 дана) алға шықты, ал бюджеттік седан (1440 дана) екінші орында. Үшінші сатыда Kia Sorento-ның (904 дана) жаңа буыны тұр. Топ-10 тізімге Toyota қайтып келді. Жапонялық марка сегізінші орынға көтерілді, бірақ оған жаңа LC Prado емес, ескі Hilux пикабы көмектесті. Маусымда оның бірден 419 данасы саудаланды.

Алты айдың қорытындысы бойынша көшбасшы — Hyundai. Кәріс бренді 18 282 дана техника сатқан. Екінші орында айтарлықтай артта қалған Kia (11 520 дана) тұр, ал үшінші орынға Chevrolet (7974 дана) жайғасқан. «Шеви» брендінің артын Chery (6667 дана) қуып келеді. Бесінші орынға JAC (5150 дана) орнықты.

Алғашқы жартыжылдықта Қазақстан нарығының үздік бестігіне екі Қытай бренді кірді. 2023 және 2024 жылдардың сәйкес кезеңдерін салыстыратын болсақ, сауда нәтижесі бойынша тек қытайлар мен Toyota пайда тапқан. Қалғандары өз позициясын жоғалтып отыр.

2024 жылғы алты ай қорытындысы бойынша жаңа автомобильдер нарығындағы үздік 10 марка