Mansory әрлеген жаңа S-Class 2.8 секундта 100-ге дейін жылдамдық алады

Mercedes-AMG S63 E Performance тюнингсіз де 802 ат күші мен 1430 Нм беретін 4 литрлік V8 моторы бар гибрид суперседан. Бірақ Mansory машинаға қуат ешқашан артық болмайды деп санайды, ателье модельге тағы 78 ат күші мен 60 Нм қосты.

Соның арқасында мотор 880 ат күші мен 1490 Нм беретін болды, алғашқы жүздікті 2.8 секундта еңсереді. Демек ол Lamborghini Aventador мен стандарт Mercedes-AMG S63 E Performance-тан жылдам (0.5 секунд). Ең жоғары жылдамдығы сағатына 320 шақырыммен шектелген.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

Ателье S-Class-тың сырт пішінін де назардан тыс қалдырған жоқ. Автомобиль жаңа радиатор торы, алдыңғы бампердегі күндізгі жүріс шамы және карбон капоттан тұратын агрессивті бастырығымен ерекшеленеді. S63 жүксалғышының қақпағында шағын спойлер пайда болды, шеберлер седанға төмен профильді шинамен қапталған 22 дюймдік FD.15 дөңгелек дискісін орнатты.

1 / 3

• 
• 
• 

1 / 3

S63 салоны сапалы былғарымен қапталған, панель және есік картасында карбон элементтер бар. Mansory логотипі де орын тапқан. Олар бас тіреуіште, кілемшеде және табалдырықта көзге түседі.

Mansory қуатты Mercedes-AMG S63 E Performance-тың бағасын жариялаған жоқ, бірақ машина арзан болмайтыны анық. Өйткені Еуропада стандарт модельдің бағасы 208 393 еуродан басталады.