Естеріңізге сала кетейік, сәуірде автонарық Қазақстан тарихында ең төмен деңгейге құлдыраған еді. Аталған айда небәрі 1 122 автокөлік сатылып, (әдеттегіден бес есе аз), 213 машина рәсімделді. Дилерлер қысқа уақытқа болса да жұмысын тоқтатуға не шектеуге мәжбүр болды. Мәміле жасау мүмкіндігі туа салысымен, олар іске бел шеше кірісті.
Карантин талаптары жеңілдегеннен кейін Қазақстанның бірқатар өңірлерінде мамандандырылған ХҚКО мен дилерлік орталықтар қайта есік ашты. Көлік бағасы да аса құбылған жоқ. Тек Ravon-да аздаған өзгерістер байқалды. Компания R3 моделін арзандатты. Ең қарапайым жиынтықтағы нұсқасы 2 990 000 теңгеге сатылып жатыр. Бұл шешім жемісін беріп, Nexia сатылым жағынан бірден алға шықты. Нәтижесінде мамырда 1 039 автокөлік сатқан Ravon «тойотаны» шаң қаптырды да, үздік үштікті түйіндеді.
Жалпы есепте Hyundai (1 847 дана) көш бастап тұр. Қостанайда құрастырылатын кореялық көліктердің ел нарығындағы үлесі артып, қымбаттаған Toyota-ны ығыстыра бастады, ресейлік «Лада» (1 701 дана) да үстемдігін жоғалта бастағандай.
Toyota дилерлері мамырда 838 темір тұлпар сатып, брендті төртінші орынға жайғастырды. Camry — үздік ондық тізіміндегі көрші Ресейден жеткізілетін жалғыз үлгі.
Бесінші орында тұрған Kia (478 дана) сатылымы көңіл көншітпейді.
ҚАБА сарапшылары берген мәліметке сүйенсек, 2020 жылдың қаңтар-мамыр айларында ресми дилерлер жалпы сомасы 268.7 млрд теңгені құрайтын 28 040 жеңіл және коммерциялық көлік сатты. Бұл өткен жылмен салыстырғанда 6 %-ға жоғары көрсеткіш.
Көлік үлгілерінің үздік ондығы (мамыр 2020 ж.)
Комментариев: 0