Мамырдағы автонарық: Changan-ның екі кроссовері үздіктер қатарына енді

Мамырда Қазақстандағы ресми дилерлер жеңіл коммерциялық техниканы қоса есептегенде 18 393 жаңа автомобиль сатты. Бұл биыл сәуірдегі (20 857 машина) және былтыр мамырдағы көрсеткіштен (—5.3 %) төмен. Қазақстан автомобиль одағы (ҚАО) хабарлағандай, биыл бес айдағы сауда нәтижесі (84 002 дана) 2025 жылғы сәйкес кезеңінен (85 527 дана) 1.8 % төмен болды.

Мамырда брендтер арасындағы рейтингте 2899 автомобиль сатқан Hyundai көш бастады. Сәуірде бірінші орынға шыққан Chevrolet (2339 дана) қайта екінші сатыға сырғыды. Бірақ бұл жолы үшінші орын Kia-ға емес, 1793 машина саудалаған қытайлық Changan-ға бұйырды. Kia (1505 дана) төртінші, Chery (1501 дана) бесінші орынға жайғасты.

2026 жылғы мамыр қорытындысы бойынша жаңа автомобильдер нарығындағы үздік 10 марка

Танымал модельдер тізімінің алғашқы екі қатарында өзгеріс жоқ. Chevrolet Cobalt (2238 дана) пен Hyundai Tucson (1564 дана) үздіктер көшін бастап тұр. Әдетте үшінші орында жүретін Kia Sportage мамырда үздік ондыққа да ене алмады. Оның орнын 637 данасы өткен Changan CS55 Plus пен Changan CS35 Max басты. Бесінші сатыға Haval M6 (565 дана) жайғасты.

1 / 10

• 
• 
• 
• 
• 
• 
• 
• 
• 
• 

1 / 10

Мамырда ең көп өткен он модельдің үшеуі ғана Қытай өнімі емес. Тізімде Cobalt пен Tucson-нан бөлек Toyota Camry бар. Жапон седаны рейтингте тоғызыншы орында (513 данасы өтт) тұр.

Биыл қаңтар мен мамыр арасында Chevrolet дилерлері 14 469 автомобиль сатып, рейтингте бірінші орын алды. Екінші орынға Hyundai (14 213 дана) жайғасты, бірақ саудасы 2025 жылғы сәйкес кезеңмен салыстырғанда 29.1 % төмендеді. Үздік үштікті Kia (10 910 дана, +19.7 %) түйіндеді. Ал үздік бестікке Changan (6 906 дана, +79.5 %) мен Chery (6 147, +4.2 %) енді.

2026 жылғы бес ай қорытындысы бойынша жаңа автомобильдер нарығындағы үздік 10 марка